1 наурыздан бастап «салық төлеушінің паспорты» енгізіледі Құжатты қоғамдық тамақтандыру және сауда кәсіпорындары көрнекті жерге қою керек. Алматы қаласы бойынша Мемлекеттік кірістер департаменті 2022 жылдың 1 наурызынан бастап Салық кодексіне «салық төлеушінің төлқұжаты» ұғымы енгізілгенін хабарлайды. Бұл кәсіпкерлік субъектісінің ақпараттық картасы, ол салық құпиясы болып табылмайды және штрих-кодта (QR код) қамтылған. Кодты мемлекеттік кірістер органы қалыптастырады, деп хабарлайды Kapital.kz іскерлік ақпарат орталығының тілшісі ведомствоның баспасөз қызметіне сілтеме жасап. Салық төлеушiнiң төлқұжатын қоғамдық тамақтандыру және сауда кәсiпорындары бақылау-касса машиналары тiкелей орналасқан жерлерде орналастыруға және халықты хабардар ету үшiн жалпыға қолжетiмдi болуға тиiс. Паспортта қандай ақпарат болуы керек? — ЖСН/БСН; — салық төлеушінің аты-жөні; — жеке кәсіпкердің немесе заңды тұлға басшысының толық атауы; — салық төлеуші мәртебесі; — тіркеу күні; — KKM тіркеу нөмірі; — алкоголь өніміне лицензиялардың болуы. «Тұжырымдама салық органдары қалыптастыратын салық төлеушінің оның салық міндеттемелерін орындауы туралы деректеріне ашық қолжетімділікті қамтамасыз ету және халықты (сатып алушыларды, қызметтерді пайдаланушыларды) және контрагенттерді хабардар ету мақсатында енгізілген. Салық төлеушінің төлқұжатын салық органы айына бір рет есепті айдан кейінгі екінші айдың 15-інен кешіктірмей қалыптастырады», — деп түсіндірді департаментте
Чтобы получить доступ к этому сообщению, вы должны приобрести Тариф на 3 месяца, Тариф на 6 месяцев или Тариф на 12 месяцев.