ҚР ҚМ Мемлекеттік кірістер комитеті жеке тұлғалардың кірістерін әкімшілендіру басқармасының басшысы Дина Құсайынова мүлікті жалға беруден түскен кірістерге салық салу туралы айтып берді.
Ол жеке тұлға мүлікті жалға беруден табыс алатын түрлі нұсқаларды қарастырды.
1 нұсқа — тұрғын үй иесі ЖК ретінде тіркеліп, арнайы мобильді қосымшаны пайдалана отырып, СНР қолдана алады. Бұл ретте салық есептілігін табыс етудің қажеті жоқ және табыстың 1% -ы мөлшерінде ЖТС төлейді.
Жыл ішіндегі табыс 13,0 млн теңгеден (3 528 АЕК) аспауы тиіс.
2 нұсқа — тұрғын үй иесі — ЖК емес, оның ішінде мемлекеттік қызметші, әскери. Жеке табыс салығы бойынша декларация тапсырады (ф. 240.00) немесе жалпыға бірдей ІД жүйесіне кіруге байланысты кірістер мен мүлік туралы (270.00-н.).
10% ставка бойынша жеке табыс салығын (ЖТС) төлейдi.
3 нұсқа — тұрғын үй иесі салық агентіне (ЖК, жеке практикамен айналысатын тұлға, ЗТ) жалға береді.
ЖТС есептеуді, ұстап қалуды және бюджетке төлеуді салық агенті ЖТС-ны жалға беруден түскен кірістен 10% ставка бойынша ұстап қалу жолымен жүзеге асырады.
Жалпыға бірдей декларациялау жүйесіне кірген (активтер мен міндеттемелер туралы «кіріс» декларациясын тапсырған) жеке тұлғалар кірістер мен мүлік туралы декларацияны (270.00-нысан) есепті жылдан кейінгі жылдың 15 қыркүйегіне дейінгі мерзімде табыс етеді.
Есепті жылдан кейінгі жылдың 25 қыркүйегіне дейінгі мерзімде табыстан 10% ставка бойынша ЖТС төлейді.
Жалпыға бірдей декларациялау жүйесіне кірмеген жеке тұлғалар жеке табыс салығы бойынша декларацияны (240.00-нысан) есепті жылдан кейінгі жылдың 31 наурызына дейінгі мерзімде табыс етеді.
Есепті жылдан кейінгі жылдың 10 сәуіріне дейінгі мерзімде табыстан 10% ставка бойынша ЖТС төлейді.
Декларацияны тұрғылықты жеріңіз бойынша, «Салық төлеуші кабинеті», «Электрондық үкімет» веб-порталдары, «e-salyqAzamat», Halyk, Bank Centercredit мобильді қосымшалары арқылы тапсыру қажет.
Сондай-ақ декларацияны қағаз тасығышта пошта арқылы немесе келу тәртібімен ұсынуға болады.